Proposta referida á "DECLARACIÓN DE RECOÑECEMENTO E REPARACIÓN PERSOAL DE D. FRANCISCO VARELA GARRIDO

Trala proposta da Alcaldía recibida a prol dun acordo que emita unha “DECLARACIÓN DE RECOÑECEMENTO E REPARACIÓN PERSOAL DE D. FRANCISCO VARELA GARRIDO”, cuio texto di literalmente:

[Que tal e como quedou acreditado que D. FRANCISCO VARELA GARRIDO padeceu persecución por razón políticas e ideolóxicas durante a Guerra Civil Española. Natural de Cerdedo (Pontevedra), de profesión comerciante e militante de Izquierda Republicana, foi Secretario interino do antigo Concello de Cerdedo. Detido o 2 de setembro de 1936 en Monleras provincia de Salamanca, a donde fuxira, sendo procesado mediante procedemento sumarísimo de urxencia con número 1.306/36 e, mediante sentencia ditada o 16 de abril de 1937 polo Concello de Guerra Permanente de Pontevedra, foi condenado a pena de norte por suposto delito de rebelión militar, sendo executado na Avenida de Buenos Aires de Pontevedra o 27 de xullo de 1937. Á vista da Resolución do 3.631 (expediente 23DGMD-476) do Ministerio de Política Territorial  e Memoria Democrática, na que se declara “ilegal” e “ilegítimo” o tribunal que o xulgou, “así como los jurados y cualesquiera órganos penales o administrativos que, a partir del Golpe de Estado de 1936, se hubieran constituído para imponerle, por motivos políticos, ideológicos o de conciencia religiosa, condenas o sanciones de carácter personal, así como la ilegitimidad y nulidad de las resoluciones”]

Ernesto Filgueira PROPÓN:

En calidade de concelleiro do BNG, e como portavoz de todo o grupo do BNG de Cerdedo-Cotobade, apoiar o acordo de “DECLARACIÓN DE RECOÑECEMENTO E REPARACIÓN PERSOAL DE D. FRANCISCO VARELA GARRIDO” no vindeiro pleno municipal.