Filgueira denuncia acumulacións de lixo prolongadas en diferentes parroquias do concello

Ernesto Filgueira Touriño, portavoz do BNG no Concello de Cerdedo-Cotobade presenta as seguintes PREGUNTAS instando á súa resposta:

Son varias e en diversas parroquias as queixas da veciñanza nas que expresan un fondo problema de saúde pública ao non recoller o lixo de xeito frecuente en tanto en canto, os colectores pasan días desbordados impedindo o desbote dos residuos de xeito selectivo.

As denuncias chegan dende Aguasantas, San Xurxo, Valongo, Quireza, Viascón …. E outros lugares do termo municipal polo que preguntamos:

-É coñecedor o goberno local desta problemática?

-Ten recibido o goberno  local queixas formais a través do rexistro municipal?

-Cales pensa o goberno local que son as razóns polas que os colectores non son recollidos de xeito frecuente?

-Ten o goberno local un plan actualizado de recollida?

-Fai o goberno local recollida selectiva? Se é así a onde se envían os residuos atendendo a esa recollida selectiva?

-Está o goberno local a traballar nun plan integral de mellora do sistema de recollida selectiva do lixo cun plan paralelo de concienciación veciñal?

Quedamos á espera de prontas respostas.