Proposta do BNG para que o goberno local leve a cabo traballos de hixienización nas rúas do núcleo de Cerdedo 

Ernesto Filgueira Touriño, portavoz do BNG no Concello de Cerdedo-Cotobade presenta as seguintes PREGUNTAS instando á súa resposta:

Nos últimos días, varias persoas residentes no núcleo de Cerdedo, fixéronnos chegar as súas queixas a respecto da limpeza e o estado de deterioro que presentan algunhas das papeleiras dispostas polas rúas do casco urbán: rotas pola base polo que o lixo acaba polo Chan.

PREGUNTAS

¿É o goberno local coñecedor desta situación?

¿Cal é a frecuencia de recollida do lixo das papeleiras?

Ten o sr Alcalde a intención de reparar ou repor as papeleiras deterioradas?

Vai o goberno local a facer unha limpeza de desinfección xeral das rúas así como retirar o verdín tan perigoso nos días de alta humidade ou choivas?

Quedo á espera de prontas respostas.