Concurrido acto de CERCO en Viascón para ouvir ao historiador Paco Rodríguez e ao economista Joám Romero

Acción Social e Cultural “Cerco” de Cerdedo-Cotobade organizou o pasado venres, 3 de marzo ás 19.45 h. unha charla na Casa do Pobo de Viascón para abordar a importancia e necesidade de coñecermos a nosa propia historia. Acto que foi presentado polo vice-responsábel local do BNG de Cerdedo-Cotobade e economista, Joám Romero quén, ademáis, agradeceu a asistencia da veciñanza ao mesmo.

A conferencia foi impartida polo coñecido político, ensaista e investigador, Francisco Rodríguez Sánchez, que ven de publicar recentemente unha magna obra titulada “Unha etapa estelar e conflitiva de Galiza. A segunda metade do século XIV”, que, en dous extensos e documentados volumes, aborda a etapa medieval de normalidade e esplendor do reino de Galiza, e a crise da segunda metade do século XIV. Esta obra deita luz sobre o noso pasado medieval e as deformacións e ocultacións que se produciron sobre este periodo, e contribúe a coñecernos este tempo histórico fundamental da nosa historia.

Os responsábeis de CERCO, acción social e cultural do BNG de Cerdedo-Cotobade, mostraron a súa satisfacción pola boa acollida do acto entre a veciñanza e destacan a importante laboura no ámbito do desenvolvemento cultural no eido municipal ao longo dos últimos catros anos.