O BNG preséntalle aos veciños e veciñas as iniciativas parlamentares sobre o parque eólico dos Cotos

O BNG organiza unha xuntanza coa veciñanza de Cerdedo-Cotobade para abordar as iniciativas parlamentares presentadas pola formación nacionalista para paralizar o proxecto eólico cos Cotos, que afecta de cheo ás parroquias de Viascón, Carballedo, Rebordelo, Loureiro, Borela e Augasantas.

O acto que terá lugar mañá, xoves, día 30, ás 20.30 h. na Casa da Cultura “Nélida Piñón”, de Borela, contará coa presenta de Luís Bará (deputado portavoz das áreas de infraestruturas e medio ambiente), Ernesto Fuilgueira (portavoz municipal), Antón Mouriz (veciño de Borela), Victor Rivas (veciño de Carballedo) e Joám Romero (veciño de Viascón).