O BNG rodea a Xunta para denunciar o impacto dos PE Campo das Rosas, Porto Vidros e Os Cotos e outros en tramitación

O domingo 23 de abril, o grupo local do BNG de Cerdedo-Cotobade con Ernesto Filgueira á cabeza achegouse ata a contorna de San Caetano, en Santiago de Compostela, para participar na mobilización convocada pola Coordinadora Eólica Así Non co obxectivo de rexeitar a política eólica depredadora e especulativa da Xunta que dirixe o PP e para rexeitar que convirtan os nosos montes nun mega polígono eólico ao servizo das grandes enerxéticas e en contra do dereito da veciñanza a vivir nun rural libre de eólicos.

O BNG reclama a paralización dos proxectos dos Parques Eólicos de Campo das Rosas, Porto Vidros e dos Cotos así como de todos aqueles que afectan directa ou indirectamente ás parroquias de Cerdedo-Cotobade.

O BNG de Cerdedo-Cotobade defende a produción de enerxía renovábel máis cun modelo sostíbel, galego, xusto e participativo que promova unha trasición enexética máis sostíbel para a nosa terra e para o conxunto do País.