Rexeitamento á decisión “incomprensible” do peche da oficina de Abanca en Carballedo

POSICIONAMENTO DO BNG NO PLENO EXTRAORDINARIO CONVOCADO PARA HOXE 29 DE XUÑO ÁS 13H.

O portavoz municipal do BNG, Ernesto Filgueira, xa ten manifestado o seu rexeitamento á decisión “incomprensible” do peche da oficina de Abanca en Carballedo tomada pola dirección da entidade financieira.

Así pois, ademáis da recollida de sinaturas e doutras accións promovidas polo BNG, o portavoz da formación nacionalista local fará parte do pleno extraordinario convocado para hoxe ás 13h.

Ernesto Filgueira anticipa a postura oficial do BNG “votando a favor de que a corporación rexeite o peche da oficina de Carballedo e instará ao Alcalde a que retire as contas municipais se a entidade pecha finalmente e esixiralle que non acepte a colocación de ningún caixeiro financiado co diñeiro público da mesma veciñanza e pequenos empresarios aos que, Abanca, leva despreciando de xeito reiterado, avasallando co cobro de altas comisións e mesmo deixándoos sen servicios no rural acusando a brecha entre os concellos de interior e os urbanos”.

Segundo apunta Ernesto Filgueira: “A actitude da entidade bancaria está a ser arrogante, inxusta e totalmente insolidaria cunha veciñanza que leva décadas con ándolle os seus aforros, domiciliacións, nóminas e o cobro das súas pensións ademáis de todo o movemento económico da administración local. Deben rectificar”.

ABANCA, ASÍ NON!
#Pénsao #OutraFormaÉPosíbel