Ernesto Filgueira reclama do goberno do PP medidas cautelares contra os PE dos Cotos, Campo das Rosas e Porto Vidros

Ernesto Filgueira Touriño, portavoz do BNG no Concello de Cerdedo-Cotobade presenta a seguinte PREGUNTA instando á súa resposta:

O grupo local do BNG de Cerdedo-Cotobade expresa a súa máxima preocupación a prol da presión desmedida dos proxectos dos parques eólicos en tramitación por parte da Xunta de Galiza que afectan á nosa contorna natural, que poñen en perigo a vida da veciñanza nas súas aldeas e parroquias con afectacións que supoñen unha merma da súa calidade de vida: efecto sombra, ruido, muiños de 200m a 500m das vivendas, destrozo dos acuíferos, cruzamento de liñas de alta tensión, subestacións, destrozo da diversidade animal e vexetal, e outras moitas. O BNG manifesta a súa máxima preocupación pola tramitación dos PE de Campo das Rosas, Porto Vidros e Os Cotos

O BNG insta ao goberno local a:

-Convocar unha Xunta de Voceiros para que o Alcalde de conta do estado no que se atopa a tramitación dos PE Campos das Rosas, Porto Vidros e Os Cotos.

-Que o concello pida medidas cautelares contra o inicio das obras do parque eólico dos Cotos e da LAT (liña de alta tensión).

Quedamos á espera de prontas respostas.